Haqqımızda

Kursun məğzi

Kurs UAFA təşkilatı və Vaşinqton Corctaun universitetinin Uşaq və İnsan İnkişafı Mərkəzinin birgə təşəbbüsü əsasında 2018-ci ildə ərsəyə gəlmişdir. Kursun yaradılmasında məqsəd uşaq inkişafı sahəsində işləyən mütəxəssislər üçün beynəlxalq akkreditasiyalı kursları təşkil edəcək Uşaqların Sağlamlığı, Təhsili və Sosial İnkişafı sahəsində akademik mərkəzin yaradılmasıdır.

Kursun məqsədləri

Uşaq inkişafına vahid / holistik yanaşmanın inkişaf etdirilməsi
Əlilliyə yanaşmada tibbi modeldən sosial modelə keçid
Böyüyə yönəlmiş yanaşmadan uşağa yönəlmiş yanaşmaya keçid

Uşağa yönəlmiş model uşağı özü etməsi /öyrənməsi /aşkar etməsi üçün həvəsləndirməyə fokuslanır, öyrənmə prosesini uşağa sevdirir və əlilliyi olan uşaqda daha yaxşı nevroloji inkişafı dəstəkləyir.

Kursun strukturu

Kurs hər kəsə iştirak etmək imkanı yaradır və ehtiyacları nəzərə alaraq videoməşğələlər , onlayn məşğələlər və mərkəzlərə praktiki səfərlər şəklində həyata keçirilir. Kurs təxminən 3- 6 aylıq bir dönəmi əhatə edir. Kursu uğurla bitirən şəxslərə Vaşinqton Corctaun universiteti və UAFA təşkilatı adından Sertifikatlar təqdim olunur. İştirakçının uğuru hər mövzunun sonunda iştirakçılara təqdim olunan test tapşırıqları və dönəmin sonunda iştirakçılar tərəfindən doldurulan PORTFOLİO əsasında müəyyən edilir.

Bu kurs kimlər üçün nəzərdə tutulur?

Hədəf qrupu 0-8 yaş aralığında olan uşaqlarla işləyən mütəxəssislərdir:

Sağlamlıq, təhsil və sosial sahələrdə işləyən mütəxəssislər (pediatrlar, psixoloqlar, nitq terapevtləri, nevropatoloqlar, fizioterapevtlər, inklüziv təhsil sahəsində çalışan müəllimlər və koməkçilər)
Sağlamlıq, təhsil və sosial sahədə xidmət göstərən menecerlər üçün

Xidmət sektoru

Reabilitasiya / abilitasiya xidmətləri
İcma əsaslı reabilitasiya
Psixoloji, pedaqoji və loqopediya xidmətləri
Sizin bu kursda iştirak etməniz üçün ali təhsilli olmağınız vacib deyil!
İnklüziv təhsil
Erkən müdaxilə
Kursun dili: Azərbaycan, İngilis (tərcümə ilə)

İştirakçılar əldə edəcəklər

Alətlər

Hər bir uşağın ehtiyaclarına uyğun olan inkişaf planı hazırlamaq üçün uşağın nitq, qavrama, kiçik və böyük motor bacarıqları və davranış sahəsində funksional bacarıqlarını qiymətləndirməyə lazım olan alətləri sizə təqdim edəcək.

Praktiki bacarıqlar

Daha keyfiyyətli xidmət təklif edə bilməniz üçün sizin mövcud praktiki təcrübənizi daha da inkişaf etdirəcək.

Nəzəri biliklər

Kurs uşaqlarda öyrənmə və inkişaf prosesləri barədə dərin biliklər verməklə yanaşı, sizə mütəxəssis kimi özünüzü inkişaf etdirməniz üçün də yol göstərəcək.

Əsas qaydalar

İştirakçıların keşirilən məşğələlərdə iştirakı vacibdir.
Qiymətləndirilmələrin və PORTFOLİO nun doldurulması mütləqdir. Yalnız UAFA və Corctaun universiteti tərəfindən dəyərləndirilmədən müvəffəqiyyətlə keçmiş iştirakçılar sertifikatla təmin olunacaqlar.

Qiymətləndirmə

Qiymətləndirmənin iki formada aparılması nəzərdə tutulur.

Test: İştirakçıların test cavablarının dəyərləndirilməsi vacibdir. Test sualları birbaşa kursda keçirilmiş materiallara aid olacaqdır. Bu test iştirakçıların kursda verilən bilikləri necə mənimsədiklərini dəyərləndirmək məqsədi daşıyır

CHED kursu Portfoliosu

CHED baza kursu Portfoliosu iştirakçılara erkən uşaqlıq dövrünə aid kursda əldə etdikləri bilik və bacarıqları praktikada tətbiq etmələri və praktiki bacarıqlarını zənginləşdirmələri məqsədi daşıyır. İştirakçılar Portfolio üzrə işləyəcək və fakültə üzvləri tərəfindən mentor olunacaqlar. Portfolio 6 ayın sonunda tamamlanacaq və kurs mentoru tərəfindən nəzərdən keçirildikdən sonra son dəyərləndirmə üçün Corctaun universitetinə göndəriləcək. Burda qiymət qoyulması nəzərdə tutulmur , yalnız iştirakçıların baza biliklərini əks etdirdikləri portfolionun qəbul olunması nəzərdə tutulur.

Resurslar

Online şəkildə iştirakçıların istifadəsinə veriləcək